சொல்லப்போனால் இது ஒரு சூப்பர் ஸ்டார் என்றே சொல்லலாம். ஏனென்றால் கேரட்டில் அந்த அளவு ஊட்டச்சத்துப் பொருட்கள் நிறைந்துள்ளன.
மேலும் இதனை டயட்டில் இருப்பவர்கள், தங்கள் உணவுப் பொருட்களில் தினமும் ஒரு கேரட்டை சாப்பிட்டால் போதும், உடல் எந்த ஒரு நோயும் வராமல் ஆரோக்கியமாக இருப்பதோடு, உடல் நன்கு பிட்டாகவும் இருக்கும் என்று மருத்துவர்கள் கூறுகின்றனர்.
பார்வை குறைபாடு: கேரட்டை சாப்பிடும் போது அதில் உள்ள பீட்டா கரோட்டீன் என்னும் பொருள், வைட்டமின் ஏ-ஆக மாறிவிடுகிறது.
அந்த வைட்டமின் ஏ பார்வை குறைபாட்டை நீக்குவதோடு, கண்களும் நன்கு தெரியும். இந்த வைட்டமின் ஏ குறைபாட்டினால் தான், மாலைக்கண் நோயானது வருகிறது.
ஆகவே இதனை தினமும் சாப்பிட்டால் உடலுக்கு தேவையான வைட்டமின் ஏ சத்து உடலுக்கு கிடைப்பதோடு, பார்வையும் நன்கு தெரியும்.
புற்றுநோய்: கேரட்டில் அதிகமான அளவு கரோட்டீஸ் இருப்பதால், அதை சாப்பிடும் போது தற்போது அதிகமாக உடலில் வரும் நோயான மார்பக புற்றுநோய், கல்லீரல் புற்றுநோய் போன்றவை ஏற்படாமல் இருக்கும்.
மேலும் அதன் வேர்களில் ஃபால்கரினால் என்னும் பொருள் இருப்பதால், செடிகள் அழியாமல் தடுக்கிறது. மேலும் அந்த பொருள் கேரட்டில் புற்றுநோய் செல்களை அழிக்கும் தன்மையுடையது. ஆகவே இந்த கேரட்டை டயட்டில் சேர்த்துக் கொண்டால் புற்றுநோய் வராமல் தடுக்கலாம்.
இதய நோய்: மருத்துவர்கள் தினமும் கேரட்டை உணவில் சேர்த்துக் கொள்ளுங்கள் என்று சொல்வார்கள். ஏனெனில் அதில் பீட்டா கரோட்டீன், ஆல்பா கரோட்டீன் மற்றும் லுட்டீனின் போன்றவை அதிகமாக உள்ளன.
இவை இதய நோய்கள் வராமல் தடுக்கின்றன. மேலும் உடலில் இரத்தத்தில் உள்ள கொலஸ்ட்ராலின் அளவையும் குறைக்கும். அதிலும் ஒரு ஆய்வில், கேரட்டை தினமும் சாப்பிட்டால், அதில் உள்ள அதிகமான ஊட்டச்சத்துக்கள், உடலில் பக்கவாதம் ஏற்படாமல் தடுக்கும் என்றும் கண்டுபிடிக்கப்பட்டுள்ளது.
பற்கள்: நல்ல பளிச்சென்ற அழகான பற்கள் வேண்டுமென்றால், அதற்கு சிறந்தது கேரட் தான். இதை சாப்பிட்டால் பற்கள் மற்றும் ஈறுகள் நன்கு சுத்தமாவதோடு, நன்கு ஆரோக்கியமாகவும் இருக்கும்.
சொல்லப்போனால் அதை ஒரு இயற்கை டூத் பிரஷ் என்றும் சொல்லலாம். அதிலும் இதனை உணவு உண்டப் பின் சாப்பிட்டால், பற்களில் இருக்கும் உணவுப் பொருட்கள் மற்றும் பிளேக் போன்றவை எளிதில் நீங்கும்.
நீரிழிவு: உடலுக்கு கேரட் ஆரோக்கியத்தை தருவதோடு, நீரிழிவை நோயை எதிர்த்து குணப்படுத்தும் ஒரு சிறந்த உணவுப்பொருள்.
அதில் உள்ள கரோட்டினாய்டு உடலில் இருக்கும் இரத்தத்தின் அளவை குறைக்கும். ஆகவே நீரிழிவால் பாதிக்கப்பட்டவர்களுக்கு, இது ஒரு சிறந்த மருத்துவப் பொருள்.
அதிலும் இதனை தினமும் அப்படியே அல்லது ஜூஸ் செய்து குடித்தால், உடல் நன்கு ஆரோக்கியமாக இருக்கும்.
எனவே கேரட்டை சாப்பிட்டு, உடலை பிட்டாக மட்டும் வைக்காமல், ஆரோக்கியமாகவும் வைத்துக் கொள்ளலாம் என்று மருத்துவர்கள் கூறுகின்றனர்.
02.08.2012
| பலாப்பழத்தின் மருத்துவ குணங்கள் |
| பலாப்பழத்தின்
மேல் தோல் கரடுமுரடாக இருந்தாலும், அதன் உட்பகுதியில் இருக்கும் பழம்
சுவையாகவும் கண்ணை கவரும் நிறத்திலும் காணப்படும்.இந்த பலாப்பழம்
ஊட்டச்சத்து மிக்கது, மருத்துவ குணம் கொண்டது. இதில் உடலுக்கு தேவையான வைட்டமின் ஏ, சி மற்றும் தயமின், பொட்டாசியம், கால்சியம், இரும்புச்சத்து, நையாசின் மற்றும் துத்தநாகம் போன்ற சத்துக்கள் அடங்கியுள்ளன. இந்த பழத்தை சாப்பிடுவதால் ஏற்படும் நன்மைகளை பட்டியலிட்டுள்ளனர் நிபுணர்கள். 1. பொட்டாசியம் அதிகம் இருப்பதால், இரத்த அழுத்தத்தை குறைத்து இதய நோய் வராமல் தடுகிறது. 2. பலாப்பழத்தில் இரும்புச்சத்து இருப்பதால் அனிமியா வராமல் தடுப்பதோடு, உடலில் இரத்த ஓட்டத்தை சீராக்குகிறது. 3. ஆஸ்துமாவால் அதிகம் கஷ்டப்படுபவர்கள் இதன் வேரை வேக வைத்து அந்த நீரோடு, பலாப்பழச்சாற்றை கலந்து குடித்தால் ஆஸ்துமா போய்விடும். 4. தைராய்டு குறைபாடு உள்ளவர்கள், இந்த பழத்தைச் சாப்பிட்டால் தைராய்டு குணமாகும். மேலும் இது உடலுக்குத் தேவையான ஹார்மோனை உற்பத்தி செய்கிறது. 5. குழந்தைகளுக்கு இந்த பழம் மிகவும் நல்லது. இதனை உண்பதால் எலும்புகள் வலுவடைகின்றன. இதில் மெக்னீசியம் அதிகம் இருப்பதால், இது எலும்பு சம்பந்தமான எந்த நோயும் வராமல் தடுக்கிறது. 6. வைட்டமின் ஏ மற்றும் சி இருப்பதால், இது ஒரு சிறந்த ஆன்டி-ஆக்ஸிடன்ட் நிறைந்த இந்த பழத்தை சாப்பிட்டால், உடலை பாக்டீரியா மற்றும் வைரஸ் தாக்காமல் பாதுகாக்கிறது. 7. நார்ச்சத்து அதிகம் உள்ள பழம் என்றால் அது பலாப்பழமே. மேலும் இது அல்சர், செரிமானக் கோளாறு, கண்களில் ஏற்படும் கோளாறு ஆகியவற்றை குணப்படுத்தும் தன்மையை உடையது. இதில் கலோரி குறைவாக இருப்பதால் இதய நோய் இருப்பவர்களுக்கு சிறந்த மருத்துவ குணம் வாய்ந்த பழம். ஆகவே இந்த அற்புதப் பழத்தை உண்டால், ஆரோக்கியமாக வாழலாம் என்கின்றனர் உணவியல் நிபுணர்கள். |
No comments:
Post a Comment